Ehrenpräsi

1. Wenn mer als Speaker agstellt isch, sött mer de Apero im Gallsche nöd so usgibig gnüsse. Allefalls chas si, dass di eint Gugge fertig isch, di nöchst parat isch und alli müend uf de Speaker warte.

2. Wenn noch em letschte Uftritt z Moslig zwei Tablar Chraiebier überchunsch, aber nur no es paar wenigi Gugger döt sind, bisch fasch froh, dass de Stägi mit sine Holzzoggel es paar uslärt.

3. Wenn de M…-Hönter am Umzug in Niederwil nöd debi isch, machsch em hald es Föteli vo dere Mueter. - «Han i Mueter ghört?»

4. Z Lütisburg häts scho meh Konfetti gha, aber au mit dene wenige cha mers zimli lustig ha.

5. D Chnoblisauce i de Wies isch de Hammer, glaub me häts nocher au gschmeckt, dass de eint oder ander fasch achli übertriebe hät.

6. Wenn en DJ sechs!!! Spiegelchuglä hät, chan er de Bass guet achli uftrölle.

7. Wenn en Mitgugger z Sirnach öppä föf Minute a de Bar stoht, du meinsch de arm Cheib mues jetzt lang uf sis Bier warte, denn gosch mol zo em ane go en understütze. Wenn denn aber nöcher chunsch und dä im Stoh am Schlofe isch muesch glich achli lache.

8. Wenn z Moslig d Barmaid immer mues eri Hand vor eren Usschnitt hebe dass mer nöd z viel gseht, chönts si, dass si s falsch Gwändli a hät.

9. En Zunftmeister-Empfang mit luter Bäredräckli isch achli komisch, vor allem wenns eigentli gar kein Empfang isch und du s Bier no selber zahle söttsch.

10. S letscht Lied versteigere ame Fest find i e cooli Idee und nocher mit eme Leiterwage und eme Schöbel voll Mosliger dör s Dorf i Turnhalle laufe isch no viel glätter.

11. Bim Uftritt im Altersheim cha mer guet mol achli andersch ane stoh und de Blöser hine ine spiele, denn gseht mer au mol wie sich die Beweged, oder äbä nöd.

12. Da Fruchtsäftli noch em Uftritt im Sprengerstollä isch gold wert gsi, me hett glaub di ganz Nacht chöne dörefiire.


Freitag, 28. Februar 2020
Kapellmeister

1. Wenn mit em Cöni am SchmuDo wie i dä guete alte Ziite ahstosisch, chas guet passiere dass es Spezli kaputt goht. Blöder isch es, wenns dis eigen isch wo kaputt goht. No blöder isch es, wenn di dä Cöni denn uslachet wie en Schüelerbueb.

2. Wenn dä Adi z'Wil am Umzug ä Pipi-Pause brucht, chasch guet ä Pauseshow mache und für ihn chli Schlagzüg spiele.

3. Wenn am Fasnachtssamstig ehner dä WC wie dä Bar noh muesch, isch dä Chessel vermuetlich nüme ganz dicht.

4. Wenn am Fritig mit em Apéro fertig bisch, würsch eigentlich lieber mit em Mäci und em Hinti mit go Schminke als mit dä Familie is Chinderspitol.

5. Wenn uf dä gliche 2 Quadratmeter folgendi Szene chasch beobachte, bisch z'Niederwil a dä Fasnacht: Es Päärli wie wild am umeschmuuse, en Maa uf em ToiToi am schiffe und en Bueb wo a d'Wand ane chotzet.

6. Apropro Niederwil: Viellicht hett öppert am DJ müesse säge, das es au z'viel Bass chan sii. Wobi, vermuetlich hät das sogar öppert gmacht - er hät en vor luuter Bass eifach nöd verstande.

7. Wenn a dä Uslumpte z'Moslig vo dine Guggegspändli ghüglet wirsch, chas guet passiere, das en Schlurz i d'Hose goht.

8. Apropro Uslumpete: Wenn din Fahrer z'mol mit em Surfbrett ufere Welle a dir verbie riitet, ischs ziemlich sicher ziit zum sich ä neui Mitfahrglegeheit z'organisiere.

9. Dä Frodo und dä Sam händ unterwegs noch Mordor no en Zwüschehalt a dä Fasnacht gmacht. Astell vomne Ring händs jewiels ä Trompete däbi gha.

10. Trotz grosser Akündigung isch dä Pfiil-Zistig ohni mich über d'Bühni. Aber macht nünt, dä Fluppe-Samstig stoht jo churz bevor.

11. Wenn im Sprengerstollä en huufe Lüüt fehlet, chasch guet au uf d'Bühni stoh zum d'Posune chli unterstütze. Wenn aber scho bim erste Isatz dä Frodo z'früeh driifurzt, bisch nöd sicher obs die allerbest Idee gsi isch.

12. Wenn ä Rundi Schnupf usgisch, wüsset nur die eigne Mitglieder was s'grüene Bändeli um dä Schnupf mit em Rote Schwinger-Chleber z'bedütä hät. Dä Rest hauts fast ab em Bänkli. Hihihihihihihihihi.

13. Noch langer Abweseheit isch dä Fröschli-Service am Städtli-Monster endlich wieder zruck. Danke Anita!

14. Wenn dä Stägi z'Niederwil um d'Bar umesecklet zum abneh, will er sin Umhang nüme zuebringt, chas guet sii das er däbii usrutsch und suuber zwei Jungi Meitli umspitzt.


Donnerstag, 27. Februar 2020
Mela

1. Wenn die ganz Gmänd Fasnacht fiirt, chasch secher sii, dass z'Moslig bisch.

2. För die wos nonöd wösset: Ha noniä so geili Spareribs gesse, wie z'Wesä.

3. Id Trubä wäret mer halt schono gern äs go neh. Blöd isch scho zue gsii.

4. Dopplet so Blöd wenn am Sunntig drof erfahrsch, dass gär nöd zue gsii isch.

5. Am Mäci cha mer ab etz Gollum sägä.. ah nei Frodo.

6. Übrigens cha guet möglich sii, dass ame Maskeball scherbe omeleget.

7. E Schale Nüssli und zwo Sprengerbrüedere isch mengmol nöd so eh gueti Kombi.

8. Wenn ame Umzug no dringend of s Wc mosch, gohsch am beste irgendwo hinder s Büschli und zwor gstafflet! 

9. Merke! Wenn die erst Tör wod uf duesch nöd de Weg zom Wc sondern en Chaste isch, denn werds wohrschindli au die zweit Tör nebedra (wo glich usgseht) en Chaste sii.

10. Hopp die Schwarzää


Donnerstag, 27. Februar 2020
Clödeli

1. D Appezeller chönd richtigi geili Guggemusig mache, do staunsch nur.

2. Wenn am Ufruhm-Friitig nachem Schmudo ide Kalberhalle-Kuchi de Abwäsch machsch, staunsch grad numal wennd merksch, dass scho vor em 11i Fiirobig git.

3. De Leni macht sich guet als Tanzfee.

4. Au wennmer nu so konzentriert hinderem Stührrad sitzt, mitem „P“ chunsch nöd vorwerts.

5. Guet hät de Biifahrer usem Autofenster us ghebet, sie hät immer nu s „P“ dine. Suscht würdet d Ihwieser vermuetli jetzt nu warte bis s Auto rollt.

6. Fröschli mit Mineral Sprudelwasser git gueti Zungekombinatione, gäll Corina?

7. Ade Bar wirsch recht verwirrt ahglueget wenn en alkoholfriie Schnapps bstellsch.

8. Die cheibe Mosliger erstuhnet eim immer wieder, geili Fasnacht hends eifach scho und s ganz Dorf isch debii.

9. S Wöschhüsli-Grosi isch scho ä Gueti. Am Morge am 5i wirdet d Hose gwifflet damit d Stefi nöd wieder ihri schöne Underhose allne zeige muess.

10. De Best Ahsatz häsch immer wenns bald fertig isch, villicht söttet mir mal dFasnacht vo hinde ahfange.

 


Mittwoch, 26. Februar 2020
Ehrenpräsi

1. Wenn uf em Wäg noch Adelberg en Teller Pasta mit mühe und Not abewürgsch, de Leni noch dem gliche Teller no e Currywurst holt, hät er sicher meh Hunger gha als du.

2. Z Adelberg händs jetzt neu extra Hunde-WC’s ufgstellt, die sind super wenn mer selber au mol mues. Me törf nocher eifach nöd vergesse z scharre.

3. Wenn am Zunftmeister-Empfang immer meinsch alli Lüüt sind di am Fötele, chasch au a dem ligge, das hinder der irgend so e Heilige-Statue stoht… und irgend so en trömmlige Gugger dem en lustige Huet agleit hät.

4. Wenn bim Traufer-Medley vonnere andere Gugge luthals mitsingsch und sich nocher d Frau vor der umtrüllt und seit i heg e gueti Stimm, cha mer sich fasch achli geehrt fühle.

5. Wenn z Schwäbisch-Gmünd vor de Beiz en Zettel hanget, mit em Text «Einlass nur über 18 Jahre – Raucherlokal», denn isch döt au es Raucherlokal dine…

6. Wenn eigentlich vor em Esse scho liecht i de Brüch bisch, und der denn de Maa hinder de Theke vier Stuck Fleisch git, weisch eigentli vo Afang a, dass achli öppis wersch föhrig ha.

7. Wenn während ere Pause mit es paar Guggergspändli in e Bar ine keisch und zersch s Gfühl häsch bisch ime Puff glandet cha mer jo glich mol es Bier näh, wenn denn plötzlich no Schlager lauft, isch fasch Schad, wenn wieder muesch witer.

8. Nöd jedi Gugge spillt am Obig de Glich Rhythmus als Izug wie am Morge, di ander möglichkeit isch, dass sich mis Empfinde achli gänderet hät.

9. Wenn is Ispiellokal ine chunsch, und döt e Horde Gugger ame Gymnastikball nohseckled, chunsch der vor wie als Kleinkinderzieher, do gits nur eis. Ab a Bar!

10. Wenn während em geilste Uftritt en riese dorscht häsch und der s Geburtstagschind e Fläsche Sekt anehebet, sött mer nöd soo en grosse Schluck näh – i has denn glich gmacht.

11. Wenn am Sunntig i de Halle dine Kollege seisch, muesch schnell uf s WC, denn cha das länger goh, vor allem wenn döt eine a de Bar stoht und seit «Hey, di kenn i»!

12. Wenn drü vermissti Guggerinne muesch go sueche i de Halle, denn weiss i nöd öbs würkli hilfrich isch, wenn di di viert-völlscht begleitet.

 

Und jetzt mit Vollgas is Fasnachtsweekend!!!


Mittwoch, 19. Februar 2020
 
Powered by Phoca Guestbook

Eingabeformular